Rapporteer aan: Bemarkingsbestuurder, FAK

Ligging: Pretoria (Voortrekkermonument)
Indiensneming: Voltyds
Sluitingsdatum vir aansoeke: 30 September.

Die Junior Grafiese Ontwerper is verantwoordelik vir die ontwerp en uitvoering van visuele inhoud wat die FAK se kultuur- en bemarkingsprojekte ondersteun. Die pos hou verband met die FAK se taak om Afrikaanse kultuur, erfenis en gemeenskapsprojekte op ’n kreatiewe en toeganklike manier te bevorder.

Verantwoordelikhede

  • Ontwerp en ontwikkeling van grafiese inhoud vir digitale en gedrukte platforms (sosiale media, webwerf, nuusbriewe, brosjures, plakkate, programboekies, ens.).
  • Ontwerp van template en huisstylmateriaal in ooreenstemming met die FAK se korporatiewe identiteit.
  • Skep van visuele elemente vir FAK-veldtogte, projekte en geleenthede (bv. feeste, kompetisies, herdenkingsdae).
  • Samewerking met die bemarkingsbestuurder en ander afdelings om konseptuele idees visueel te vertaal.
  • Basiese fotoredigering en beeldmateriaalversorging.
  • Voorbereiding van lêers vir drukwerk en koördinering met drukkers/verskaffers.
  • Monitering van grafiese tendense om vars en relevante ontwerpidees aan te bring.

NB Vervaardiging van video’s sal as sterk aanbeveling dien.

Kwalifikasies en ervaring

  • Nasionale Diploma of B-graad in Grafiese Ontwerp of ’n verwante veld.
  • 1–2 jaar praktiese ondervinding in grafiese ontwerp (internskap/intreevlak kan oorweeg word).
  • Vaardigheid in Adobe Creative Suite (Illustrator, Photoshop, InDesign; Premiere Pro en After Effects ’n voordeel).
  • Ervaring met sosialemedia-ontwerp en -uitlegte.

Vaardighede en vermoëns

  • Sterk kreatiewe en estetiese aanvoeling met ’n oog vir detail.
  • Goeie tydsbestuur en vermoë om sperdatums te haal.
  • Spanspeler wat effektief kan saamwerk met die bemarkingspan en ander rolspelers.
  • Goeie kommunikasievaardighede in Afrikaans en Engels.
  • ’n Passie vir Afrikaanse kultuur en erfenis word as ’n sterk voordeel beskou.

Persoonlike eienskappe

  • Positiewe, innoverende ingesteldheid.
  • Probleemoplossingsvermoë en buigsaamheid.
  • Bereid om te leer en nuwe vaardighede aan te leer.
  • Noukeurig en verantwoordelik.

Stuur jou CV teen 30 September 2025 aan Ruan de Wet by die FAK-hoofkantoor.